काठमाडौं । अमेरिकामा मिल्टन तुफानका कारण हालसम्म १६ जनाको मृत्यु भएको छ । बुधबार आएको उक्त तुफानका कारण बिहिबार १० जनाको मृत्यु भएसँगै अहिलेसम्म १६ जनाको मृत्यु भएको हो ।  तुफानका कारण थप मृत्यु हुनेहरूको संख्या बढ्न सक्ने अनुमान गरिएको छ ।

फ्लोरिडाको एक अपार्टमेन्टबाट करिब ४ सय मानिसको उद्धार गरिएको छ । उक्त अपार्टमेन्टमा करिब २ हजार मानिस रहेको बताइएको छ ।

बुधबार आएको मिल्टन आँधीले फ्लोरिडामा क्षति पुर्‍याएको हो । जसका कारण ३० लाखभन्दा बढी घरको बिजुली काटिएको छ भने पिउने पानीको पनि समस्या भएको छ ।