काठमाडौं ।  इङलिस प्रिमियर लिग अन्तर्गत लिभरपुलले क्रिस्टल प्यालेसलाई पराजित गरेको छ। 

गएराति सम्पन्न खेलमा लिभरपुलले क्रिस्टल प्यालेसलाई १–० गोल अन्तरले पराजित गरेको हो।  

लिभरपुलको जितमा खेलको नवौं मिनेटमा डिओगो जोटाले गरेको गोल नै खेलको निर्णायक गोल बनेको थियो।

 जितसँगै लिभरपुलको ७ खेलबाट १८ अंकसहित शीर्ष स्थानमा कायम छ।

त्यसैगरी, क्रिस्टल प्यालेसको भने यो यस सिजनमा चौथो हार हो।

यो खेलपछि क्रिस्टल प्यालेसको ७ खेलमा ३ अंक रहेको छ र लिगमा १८औँ स्थानमा छ।

अर्को खेलमा म्यानचेष्टर सिटीले फुलहमलाई ३–२ र आर्सनलले साउथह्याम्प्टनलाई ३–१ गोलले पराजित गरेको छ। 

लिगमा सिटी १७ अंक र आर्सनल पनि समान १७ अंककासाथ क्रमशः दोस्रो र तेस्रो स्थानमा छन्।