काठमाडौं । विश्व फुटबलको सर्वोच्च निकाय फिफाका अध्यक्ष जियानी इन्फान्टिनो नेपाल आउने भएका छन् ।

नेपालमा बाढीपहरोमा परेर अखिल नेपाल फुटबल संघ (एन्फा)का ६ खेलाडीसहित सयौंको मृत्यु भएकोमा दुस्ख व्यक्त गर्दै उनले आफू केही समयमै नेपाल आउने जानकारी दिएका हुन् । 

एन्फा अध्यक्ष पंकजविक्रम नेम्बाङलाई पत्र पठाउँदै उनले पहिरोमा परी ज्यान गुमाएका एन्फा एकेडेमीका ६ युवा खेलाडीहरूप्रति पनि श्रद्धाञ्जली अर्पण गरेका छन् ।  नेपाल आउने समय भने तय भएको छैन ।