काठमाडौं । क्यानडामा भएको त्रिकोणात्मक टी २० क्रिकेटको उपाधि घरेलु टोलीले जितेको छ।

बिहीबार भएको अन्तमि खेलमा क्यानडाले ओमानलाई ५ विकेटले पराजित गर्दै उपाधि जितेको हो। क्यानडाले लिगमा नेपाललाई २ खेलमा पराजित गर्दा ओमानलाई एक खेलमा हराएर सिरिजको शीर्ष स्थानमा रह्यो।

अन्तिम खेलमा क्यानडाले टस जितेर ओमानलाई पहिले ब्याटिङको निम्तो दिएको थियो। जहाँ ओमान अन्तिम २ बल बाँकी हुँदै अलआउट भएर केवल ८२ रनमा समेटियो।

सिरिजमा ४ खेलबाट ६ अंकका साथ क्यानडा शीर्ष स्थानमा रहँदा नेपाल ४ अंकका साथ दोस्रो र ओमान २ अंकका साथ तेस्रो स्थानमा रह्यो।