त्रिकोणात्मक टी २० श्रृंखला अन्तर्गतको आफ्नो अन्तिम खेलमा नेपालले ओमानलाई हरायो, च्याम्पियन बन्ने सम्भावना जिवितै
काठमाडौं । क्यानडामा जारी त्रिकोणात्मक टी २० श्रृंखला अन्तर्गतको आफ्नो अन्तिम खेलमा नेपालले ओमानलाई ५६ रनले पराजित गरेको छ।
बुधबार राति भएको खेलमा कप्तान रोहित पौडेलले अलराउन्डर प्रदर्शन गर्दा ओमान नेपालसँग लगातार दोस्रो टी(२० मा पराजित भयो।
जितसँगै नेपाल तालिकाको शीर्ष स्थानमा उक्लिएको छ। यद्यपि क्यानडा र ओमानबीच अन्तिम खेल हुन बाँकी छ। यो खेलमा क्यानडाले जिते उसले उपाधि उचाल्ने छ।
यदि ओमानले जितेमा नेट रनरेटका कारण नेपाल च्याम्पियन हुने सम्भावना पनि कायमै छ ।
आज सिरिजको अन्तिम खेलमा क्यानडा र ओमान भिड्दै छन्। अंक तालिकामा नेपाल र क्यानडा समान ४ अंक भएपनि नेटरनरेटमा अघि रहँदै नेपाल शीर्ष स्थानमा छ। ओमान २ अंकका साथ अंक तालिकाको पुछारमा छ।
प्रकाशित मिति: बिहीबार, असोज १७, २०८१ ०९:४८
प्रतिक्रिया दिनुहोस्
थप खेलकुद
-1734580567.jpg)
