काठमाडौं । इजरायल सरकारले रोजगारीका लागि आवेदन दिएकामध्ये गोला प्रथा (लट्री) मार्फत नाम सार्वजनिक गरेको छ ।

वैदेशिक रोजगार विभागले इजरायलको पिवालाई पठाएको तीन हजार ४६१ जनाको सूचीबाट दुुई हजार दुई जनामध्ये दुुई हजार ११२ जनाको नाम सार्वजनिक गरेको हो ।

गोला प्रथामा छनोट भएका ८८ जनाको प्रमाणपत्र नै नक्कली भटिएकाले नाम हटाइएको विभागले जनाएको छ ।

विभागका अनुसार नेपाल र इजरायलबिच भएको श्रम सम्झौता अनुसार सरकारी संयन्त्रमार्फत दीर्घकालीन स्याहार केन्द्रमा नेपाली श्रमिक पठाउँदै आएको छ । यसमा निजी क्षेत्रको संलग्नता छैन । 

इजरायलको विपाले सार्वजनिक गरेको नामावली अनुसार एक हजार १५६ महिला (६० प्रतिशत) र ९५६ पुरुष (४० प्रतिशत) गरी दुुई हजार ११२ जना छनोट भएका छन् ।

‘नेपालस्थित इजरायली दूतावासको रोहवरमा गोला प्रथा गरिएको हो । श्रमिक छनोट प्रक्रियालाई पारदर्शी बनाउन गोला प्रथा गरिएको हो ।

यसरी छानिएकामध्ये पनि उचाइ तथा स्वास्थ्य परीक्षणको मापदण्डमा असफल भए कम्तीमा दुुई हजार उत्तिर्ण हुुने विश्वास गरिएको छ । 

विभागका अनुसार विभागले तीन महिनाअघि माग गरेको आवेदन अनुसार चार हजार २४ जनाले निवेदन दिएकोमा एक हजार ८६३ पुरुष र एक हजार ५९८ महिला सट लिस्टमा छानेको थियो ।

सोही सट लिस्टबाट गोला प्रथा गरेर युवा छनोट गरिने छ ।

नेपाल र इजरायल सरकारबिच भएको श्रम सम्झौता अनुसार इजरायलका दीर्घकालीन स्याहार केन्द्रमा नेपाली सहायक श्रमिक पठाउन साउन ११ गतेसम्म भर्ना  को अन्तिम म्याद रहेको थियो । नामावली परीक्षणमा पर्न सफल उम्मेदवारलाई इजरायल सरकारको लट्ररी कार्यव्रmममा समावेश गराइएको विभागले जनाएको छ ।

यस पटक आवेदन माग गर्दा सुरु चरणबाटै पारदर्शी तथा निष्पक्ष तरिकाले भाषा परीक्षा गरिएका कारण छनोटमा कुनै विवाद नभएको दाबी गरिएको छ । पहिलो चरणमै छनोट भएका अधिकांश युवाले इजरायल जाने अवसर पाउन सक्ने देखिएको छ । आवेदकको सङ्ख्या र माग सङ्ख्यामा खासै फरक नहुने भएकाले पहिलो चरणमा छनोट भएका युवामध्ये अधिकांश इजरायल जान पाउने देखिन्छ । 

विभागका निर्देशक गुुरुदत्त सुुवेदीले हाल जिटुजी प्रक्रिया अन्तर्गत केयरगिभरका रूपमा नेपाली श्रमिक इजरायल पठाउने सिलसिलामा जारी छनोट प्रक्रियाका बारेमा इजरायलले चासो दिएकाले छनोट प्रक्रिया पारदर्शी र निष्पक्ष गरेको दाबी गरे ।

पछिल्लो समय भारत र बङ्गलादेशबाट श्रमिक लैजाने तयारी गरिरहेका बेला नेपालले तत्काल पठाउने आश्वासन दिएपछि आवेदन माग गरिएको हो ।

हाल इजरायलमा जिटुजीमार्फत इजरायलमा एक हजार एक सयभन्दा बढी कार्यरत रहेका बेला थप केयरगिभर लैजाने तयारी गरेको हो । नेपाल र इजरायलबिच २०७७ असोज १४ गते इजरायलको श्रम बजारमा नेपाली श्रमिकको रोजगारीसम्बन्धी सम्झौतामा हस्ताक्षर भएको थियो । त्यही सम्झौतालाई कार्यान्वयन गर्न २०७७ माघमा दुई देशबिच इम्प्लिमेन्टेसन प्रोटोकलमा हस्ताक्षर भएको थियो ।