काठमाडौं । नेकपा एमाले कोशी प्रदेश सम्पर्क कमिटीले स्थानीय उत्पादनको प्रवर्धन  गर्ने भएको छ ।

प्रदेशका १४ जिल्लामा उत्पादन भएका वस्तुको बजारीकरण र प्रवर्धनका लागि कमिटीले असोज १२ गते शनिवार राजधानीमा प्रदर्शनी गर्ने भएको हो ।

च्यासलस्थित पार्टी मुख्यालयको तुलसीलाल प्रतिष्ठान हलमा हुने चाड पर्वको शुभकामना आदानप्रदान कार्यक्रममा  कमिटीले स्थानीय उत्पादनको प्रवर्धन गर्न लागिएको कमिटीका प्रचार प्रसार विभाग प्रमुख राजेन्द्र गुरङले जानकारी दिए ।

कार्यक्रममा सहभागीको निशुल्क दन्त परीक्षणका साथै उत्कृष्ट उत्पादकलाई पुरष्कृत गरिने छ ।

कार्यक्रमको पार्टी उपाध्यक्ष युवराज ज्ञवालीले बिहान ११ बजे उद्घाटन गर्नेछन् । 

सर्वसाधारणलाई उत्पादनस“ग जोड्दै परनिर्भरता कम गर्न कमिटीले अन्य कार्यक्रम पनि गर्दै आएको छ ।

यसअघि कोशी प्रदेश कमिटीको महिला विभागले तीजको अवसरमा महिलालाई व्यवसायिक तथा सीपमूलक तालिम दिएको थियो ।